Azad edilən torpaqlarda çalışan müəllimlərlə görüşlər keçirilib
Elm və Təhsil İşçiləri Həmkarlar İttifaqı Respublika Komitəsi 5 oktyabr – Beynəlxalq Müəllimlər Günü münasibətilə işğaldan azad edilən ərazilərimizdə çalışan müəllimlərlə görüşlər keçirib.
Tehsilmedia.org xəbər verir ki, görüşlərdə ETİHİ Respublika Komitəsi sədrinin müşaviri Vüsal Əliyev, həmçinin işğaldan azad olunmuş ərazilərdə fəaliyyət göstərən rayon komitələrinin sədrləri iştirak ediblər.
Çıxış edənlər Azərbaycan Həmkarlar İttifaqları Konfedrasiyasının, eləcə də Elm və Təhsil İşçiləri Həmkarlar İttfiaqları Respublika Komitəsinin rəhbərliklərinin təbrik və xoş arzularını təhsil işçilərinə çatdırıblar.
Qeyd olunub ki ,Böyük Qayıdışla doğma yurdlarımızda həyat yenidən canlanır, yeni məktəblər qapılarını şagirdlərin üzünə açır, sinif otaqlarında müəllim səsi eşidilir. Bu gün azad olunan torpaqlarda dərs deyən hər bir müəllim həm təhsilin davamlı inkişafına töhfə verir, həm də doğma yurda qayıdışın mənəvi dayaqlarından birinə çevrilir.
Görüşlər zamanı müəllimlərin işğaldan azad edilən ərazilərdə tədris prosesinin təşkili, gənc nəslin vətənpərvərlik ruhunda yetişdirilməsi, yeni qurulan təhsil mühitinin formalaşması istiqamətində əməyi yüksək qiymətləndirilib.
