Məktəblinin dostu layihəsi iflasa uğradığı halda 2025-ci il büdcəsindən 7 milyon manat büdcə niyə yenidən bu layihəyə ayrıldı?
2016-cı ildən "Məktəblinin dostu" layihəsi irəli sürülmüşdür və Azərbaycanda tənəzzülə uğramışdır. Buna baxmayaraq 2025-ci il büdcəsindən 7 milyon manat bu layihəyə yenidən pul ayrılmışdır. İflasa uğrayan bir layihəyə yenidən bu qədər büdcə ayırmaq birbaşa yeyinti olaraq qəbul edilməlidir. Məktəblinin dostunun əslində uğursuz olduğunu Təhsilmedia.az saytı olaraq dəfələrlə bildirmişik. Müəllim, məktəb psixoloqu, növbətçilər, məktəbin tibb bacısı və s. bu vəzifəni uğurla yerinə yetirirlər. Məktəblinin dostu isə bir çox sahələrdə ya heç bir rol oynamır, ya da əksərən direktora xəbərçilik etməklə məşğul olub məktəbdə işləri daha da çətinləşdirirlər. Üstəlik Nazirlik özü bu imtahanı elə keçirir ki, burda kimsə keçməsin, istədikləri adamı rahat keçirsinlər. Açıq-açkar oyun kimi qurublar.
Məsələ burasındadır ki, dövlət xüsusi təhsil standartları qəbul etdi. Bir çox məktəblərdə uğursuz olsa da, sənədləşmələrdə inkluziv təhsilin uğurlu olduğunu saxtakarlıqla göstərdilər.
Təlimlər keçirib inkluziv təhsilə dair planlaşma, icmal, dərs izahları verə bilmədilər. Suallar ortada qalmışkən onu da uğurlu şəkildə həyata keçirdiklərini bildirdilər. Əsas odur ki, "şəkillər var". Amma inkluziv siniflər üçün KÖMƏKÇİ MÜƏLLİMLƏR OLMALIDIR. Bu haqda heç bir addım atılmır.
Nəzərə alsaq ki, günümüzdə siniflər 30-50 şagird arası olur. Şagirdlərə inkluziv mühit yaratmaq, diferensial yanaşmaq üçün nə maddi-texniki baza, nə də köməkçi müəllim təyin edilməmişdir. Amma sinfə daxil olmamış, uşaqlarla ünsiyyətə girməmiş, ana-ata olmamış, qayğı, fədakarlığı praktik olaraq dərk etməmiş 21-30 yaşlı gəncləri qurtarıcı kimi məktəblərə məktəbli dostu kimi cəlb ediblər.
Buna ayrılan maliyyəni elə müəllimlərə, inkluziv təhsilə cəlb etsələr daha uğurlu olardı.
İşsiz müəllim ordusu artırmaq və sualları daha çox necə çətinləşdirə bilərik deyə düşünmək və müəllimlərin haqqına girmək əvəzinə onları işlə təmin edib köməkçi müəllim funksiyasında təhsilin keyfiyyətinin artırılması üçün addım atmaq olardı.
