BDU könüllüləri Şirvanşahlar Saray Kompleksini ziyarət ediblər - FOTO
Bakı Dövlət Universitetinin (BDU) “BDU Könüllüləri” təşkilatının Sosial elmlər və psixologiya fakültəsi üzrə üzvləri Şirvanşahlar Saray Kompleksi muzey-qoruğunu ziyarət ediblər.
BDU-dan "tehsilmedia.info"a bildirilib ki, ekskursiya zamanı tələbələrə abidənin tarixi, memarlıq xüsusiyyətləri, saray həyatı və burada yaşamış hökmdarlar haqqında geniş məlumat verilib. Dövlət tərəfindən mühafizə olunan Şirvanşahlar sarayı - kompleksi 1964-cü ildən muzey-qoruq statusu alıb. Muzeyin eksponatları içərisində bəzək əşyaları, arxeoloji tapıntılar, saxsı qablar, müxtəlif rəsmlər, milli geyimlər və XVIII-XX əsrlərə aid olan çoxlu sayda məişət avadanlığı sərgilənir.
