Mingəçevirdə qiymətləndirmə düşərgəsi təşkil olunacaq

Təhsil İnstitutu və Mərkəzi Aran Regional Təhsil İdarəsinin birgə təşkilatçılığı ilə avqustun 16-18-də Mingəçevir şəhərində təhsil işçiləri və fənn müəllimləri üçün qiymətləndirmə düşərgəsi keçiriləcək.

İnstitutdan "tehsilmedia.info"a bildirilib ki, düşərgənin keçirilməsində əsas məqsəd təhsil işçilərinin, xüsusilə müəllimlərin beynəlxalq qiymətləndirmələr barədə məlumatlılığını artırmaq, təhsil siyasətinin formalaşmasında qiymətləndirmələrin rolunu anlamaq, eləcə də onların səriştə əsaslı qiymətləndirmə vasitələrinin hazırlanması istiqamətində bilik və bacarıqlarını inkişaf etdirməkdir. Eyni zamanda, düşərgə iştirakçıları şagirdlərin oxu və riyaziyyat üzrə biliklərinin real həyatda tətbiqi üzrə qiymətləndirmə vasitələri hazırlayacaqlar.

Düşərgənin sonunda iştirakçılar sertifikatla təltif olunacaqlar.