ADNSU: "5-ci beynəlxalq yay məktəbi başa çatıb"
Azərbaycan Dövlət Neft və Sənaye Universiteti (ADNSU) və Alman Akademik Mübadilə Xidməti tərəfindən “Enerji keçidində: Postneft iqtisadiyyatı, alternativ enerji, ətraf mühitin mühafizəsi” mövzusunda keçirilən 5-ci beynəlxalq yay məktəbi başa çatıb.
Bu barədə "tehsilmedia.info"a ADNSU-dan məlumat verilib.
Yay məktəbinə Azərbaycandan 5, Almaniyadan 10 tələbə qatılıb. Yay məktəbi müddətində akademik hissədən başqa iştirakçılar üçün mədəni tədbirlər də təşkil olunub. Onlar BP-nin və SOCAR-ın baş ofislərində, Heydər Əliyev Mərkəzində, Şəkidə, Şuşada ekskursiyada olublar.
Eyni zamanda, tələbələr yay məktəbinin mövzusuna uyğun olaraq mühazirələr dinləyiblər.
