Lənkəran-Astara bölgəsinin ən yaxşı məktəbləri - SİYAHI
Lənkəran-Astara regionu üzrə respublikanın ən yaxşı məktəblərinin siyahısı açıqlanıb.
AzEdu.az-ın əldə etdiyi məlumata görə, bu barədə 2025-ci ilə aid tələbə qəbulu və ümumi təhsil müəssisələri üzrə buraxılış imtahanlarının nəticələrinə dair elmi-statistik materialların yer aldığı “Abituriyent” jurnalının 12-ci nömrəsində məlumat verilib.
Astara rayonu üzrə 2025-ci ildə ümumtəhsil müəssisələrini 1062 şagird bitirib, onların 1053 nəfəri buraxılış imtahanında iştirak edib. Rayon məzunlarının 51 nəfəri 500-dən, o cümlədən 16 nəfəri 600-dən yuxarı bal toplayıb. Bu il rayonun ən yaxşı məktəbləri sırasında N.Həsənov adına Kijəbə qəsəbə, Ərçivan qəsəbə 3 nömrəli, N.Əliyev adına Maşxan kənd və Pensər kənd 2 nömrəli tam orta məktəbləri yer alıb.
Cəlilabad rayonu üzrə 2025-ci ildə ümumtəhsil müəssisələrini 1961 şagird bitirib, onların 1932 nəfəri buraxılış imtahanında iştirak edib. Rayon məzunlarının 87 nəfəri 500-dən, o cümlədən 20 nəfəri 600-dən yuxarı bal toplayıb. Bu il rayonun ən yaxşı məktəbləri sırasında 2, 8 və 9 nömrəli şəhər tam orta məktəbləri göstərilib.
Lerik rayonu üzrə 2025-ci ildə ümumtəhsil müəssisələrini 371 şagird bitirib və onların 370 nəfəri buraxılış imtahanında iştirak edib. Rayon məzunlarının 23 nəfəri 500-dən, o cümlədən 5 nəfəri 600-dən yuxarı bal toplayıb. Respublika üzrə yaxşı məktəblər sırasına Lerik şəhər 3 nömrəli tam orta məktəbi daxil edilib. Rayonun ən yaxşı məktəbləri sırasında isə Vizəzəmin kənd, Veri kənd və Züvüç kənd tam orta məktəbləri yer alıb.
Lənkəran rayonu üzrə 2025-ci ildə ümumtəhsil müəssisələrini 2143 şagird bitirib, onların 2138 nəfəri buraxılış imtahanında iştirak edib. Rayon məzunlarının 153 nəfəri 500-dən, o cümlədən 40 nəfəri 600-dən yuxarı bal toplayıb. Respublika üzrə yaxşı məktəblər sırasına 6 və 10 nömrəli şəhər tam orta məktəbləri daxil edilib. Rayonun ən yaxşı məktəbləri sırasında isə Xarici dil təmayüllü internat məktəbi və Boladi kənd 2 nömrəli tam orta məktəbi qeyd olunub.
Masallı rayonu üzrə 2025-ci ildə ümumtəhsil müəssisələrini 1800 şagird bitirib, onların 1779 nəfəri buraxılış imtahanında iştirak edib. Rayon məzunlarının 127 nəfəri 500-dən, o cümlədən 35 nəfəri 600-dən yuxarı bal toplayıb. Respublika üzrə yaxşı məktəblər sırasına Bala Kolatan kənd və Həsənli kənd tam orta məktəbləri daxil edilib. Rayonun ən yaxşı məktəbləri sırasında isə Təzə Alvadı kənd 1 nömrəli və Hişkədərə kənd tam orta məktəbləri yer alıb.
Yardımlı rayonu üzrə 2025-ci ildə ümumtəhsil müəssisələrini 438 şagird bitirib, onların 436 nəfəri buraxılış imtahanında iştirak edib. Rayon məzunlarının 31 nəfəri 500-dən, o cümlədən 8 nəfəri 600-dən yuxarı bal toplayıb. Respublika üzrə yaxşı məktəblər sırasına Şəhər 2 nömrəli tam orta məktəb daxil edilib. Rayonun ən yaxşı məktəbləri sırasında isə Şəhər 1 nömrəli və Qabaqdibi kənd tam orta məktəbləri yer alıb.
Beləliklə, Lənkəran-Astara iqtisadi rayonu üzrə 500-dən yuxarı bal toplayan məzunların sayına görə Lənkəran (153 nəfər) və Masallı (127 nəfər) ilk sıralarda qərarlaşıb. Region üzrə respublikanın ən yaxşı məktəbləri siyahısında Lənkəran, Masallı, Lerik və Yardımlı rayonlarının məktəbləri ilə yanaşı, Astara və Cəlilabadın da yüksək nəticə göstərən təhsil müəssisələri yer alıb. Bu göstəricilər regionda keyfiyyətli təhsil mühitinin formalaşdığını və həm şəhər, həm də kənd məktəblərinin uğurlu nəticələr əldə etdiyini nümayiş etdirir.
