Bu il 26 min müəllim sertifikatlaşdırmaya cəlb olunacaq
"Bu il sertifikatlaşdırmaya 22 min xarici dil müəllimi və ötən il uğur qazana bilməyən 4 min müəllim cəlb ediləcək".
Bunu Məktəbəqədər və Ümumi Təhsil üzrə Dövlət Agentliyinin direktoru Eşqi Bağırov jurnalistlərə açıqlamasında deyib.
O bildirib ki, artıq 65 minə qədər təhsilverən sertifikatlaşdırmaya cəlb olunub: “Onlardan 55 min nəfərin maaşına əlavələr edilib. Təxminən 5 min müəllim isə sertifikatlaşdırmadan keçə bilmədiyi üçün onların əmək müqaviləsinə xitam verilib”.
