Sevilən müğənni Qorxmaz Ağsulu "Qazilər" mahnısını təqdim edib - VİDEO

Bir-birindən gözəl mahnıları ilə böyükdən-kiçiyə hər kəsin zövqünü oxşayan və insanların sevə-sevə dinlədiyi tanınmış müğənni Qorxmaz Quliyev (Ağsulu) bu yaxınlarda yeni "Qazilər" mahnısını təqdim edib.

Gündəmtv.az xəbər verir ki, vətənpərvərlik ruhunda yazılan mahnı qısa müddət ərzində "Youtube" platformasında maraqla dinlənilən musiqilərdən birinə çevrilib.

Qeyd edək ki, sevilən müğənni Qorxmaz Quliyev ( Ağsulu) 1970-ci ildə dünyaya göz açıb. Təxminən 2000-ci ildən peşəkar səhnədə bir-birindən gözəl ifaları ilə sevənlərinin zövqünü oxşayır. Artıq 26 ildir səhnədə olan Qorxmaz Ağsulu bir çox sevilən mahnıların peşəkar ifaçısıdır. Belə ki, onun "Sanıram ki, dünəndir bu", "ANA", "Gəl, gəl qara göz", "Nə deyim" və digər mahnıları dillər əzbəri olub.

Qorxmaz Ağsulunun səhnə fəaliyyəti təkcə ifaçılıqla kifayətlənmir. O, Sumqayıt şəhər Hüseyn Ərəblinski adına mədəniyyət evində, bir sıra mədəniyyət klublarında fəaliyyət göstərib.

Daxilində böyük vətənpərvərlik hisslərinin olması Qorxmaz Ağsulunu Birinci Qarabağ Müharibəsində döyüş bölgələrində konsert verməyə sövq edib. O, əsgərlər qarşısında çıxışlar edərək onların döyük ruhunun yüksəldilməsi üçün əlindən gələni əsirgəməyib.

Hazırda bir-birindən gözəl musiqilər ifa edərək həm milli adət-ənənələrimizin cəmləşdiyi toylarımızda, həm də efirlərdə öz dəsti-xəttini göstərir və seçilir.