BDU-da ixtisas fənni üzrə doktoranturaya qəbul imtahanları keçirilir

Bakı Dövlət Universitetində (BDU) fəlsəfə doktoru proqramı üzrə doktoranturaya qəbul olmaq üçün ixtisas fənnindən qəbul imtahanları keçirilir.

Bu barədə "tehsilmedia.info"a BDU-dan məlumat verilib.

İmtahanlarda BDU-nun doktoranturasına qəbul olmaq üçün müraciət etmiş və sentyabrın 5 və 6-da “Fəlsəfə” fənni üzrə doktoranturaya qəbul imtahanlarından müvəffəqiyyətlə keçmiş 123 iddiaçı iştirak edir.

Sentyabrın 11-də 31 ixtisas üzrə 70 iddiaçı imtahan verib. Sentyabrın 12-də isə 24 ixtisas üzrə 53 iddiaçı imtahan verəcək.

İmtahan nəticələri imtahanın keçirildiyi tarixdən 2 gün sonra elan ediləcək.