Məktəblilərimiz beynəlxalq olimpiadada 4 medal qazanıblar
16-25 iyul tarixlərində İsveçrənin Sürix şəhərində təşkil edilən 55-ci Beynəlxalq Kimya Olimpiadasında (IChO) şagirdlərimiz uğurla çıxış ediblər.
tehsilmedia.info xəbər verir ki, 107 ölkədən 321 məktəblinin iştirak etdiyi yarışda şagirdlərimiz 4 medal qazanıblar.
Olimpiadada iştirak edən məktəblilər - Türkiyə Dəyanət Vəqfi Bakı Türk Liseyinin şagirdi Nihad Hacızadə və məzunu Dəniz Səttarlı, Bakı şəhəri Fizika, riyaziyyat və informatika təmayüllü Respublika liseyinin məzunu Selcan Şəfizadə, Gəncə şəhəri Fizika, riyaziyyat və informatika təmayüllü liseyin məzunu Həmid Xəlilov bürünc medala layiq görülüblər.
