Bağçada işləməyən şəxslər də direktor ola biləcək? - RƏSMİ
Məlum olduğu kimi, məktəbəqədər təhsil müəssisələrinə müdir vəzifəsinə işə qəbul prosesində hazırda öz fəaliyyətini uşaq başçalarında davam etdirən şəxslər iştirak edə biləcəklər.
Bəs hazırda məktəbəqədər təhsil müəssisəsində fəaliyyət göstərməyən şəxslər də direktor ola bilərmi?
tehsilmedia.info azedu.az-a istinadən, xəbər verir ki, Elm və Təhsil Nazirliyinin Ümumtəhsil şöbəsinin məktəbəqədər təhsil sektorunun müdiri İlahə Rəsulova bu suala cavab verib:
“Əgər yerlər tutulmazsa, o zaman biz digər namizədlərə də vakansiyada iştirak hüququ veriləcəkdir”.
Təhsil İnstitutunun İnsan Resursları Mərkəzinin direktoru Nurlan İsmayılbəyli isə qeyd edib ki, gələn həftənin əvvəlində vakant yerlərin namizədlərə təqdim olunması və elektron müraciət qəbulu nəzərdə tutulub.
