AzMİU-nun komandası bu ilin ilk Debat Forumunun çempionu olub
Azərbaycan Memarlıq və İnşaat Universitetinin (AzMİU) Tələbə Həmkarlar İttifaqı Komitəsinin nəzdində “Heç bir ehtimal yoxdur" debat komandası mövsümün ən rəqabətli və maraqlı layihələrindən olan “Bakı Gənclər Debat Forumu: Qış, 2024”ün qalibi olub.
Universitetdən bildirilib ki, forum Gənclər və İdman Nazirliyinin tərəfdaşlığı, DVC-nin təşkilatçılığı və Dünya Məktəbinin ev sahibliyi ilə keçirilib.
"Kriptovalyuta birjasının təhlükəsizliyinin təmin olunmasında dövlət tənzimlənməsi labüddür" mövzusuna həsr olunan və ümumilikdə 37 komandanın iştirak etdiyi foruma AzMİU 5 komanda ilə qatılıb.
Finalda isə AzMİU-nun "Heç bir ehtimal yoxdur" və Bakı Dövlət Universitetinin "Kapitan Qrantın uşaqları" komandaları qarşı-qarşıya gəlib. AzMİU-nun komandası qalib gələrək “Bakı Gənclər Debat Forumu: Qış, 2024”ün çempionu adını qazanıb.
Turnirin ən yaxşı məşqçisi Sənan Atayev seçilib.
“Bakı Gənclər Debat Forumu: Qış, 2024” turnirində Azərbaycan bölməsi üzrə Məhəmməd Mehdiyev, Cahangir Yusifov, Murad Mirzəzadə, rus bölməsi üzrə Əli Hüseynov və İbrahim Qədirli natiqliyə düşən debatçılardır.
