Hakimliyə namizədlərlə yazılı imtahan keçirilib

Dekabrın 22-də Dövlət İmtahan Mərkəzində hakimliyə namizədlərlə yazılı imtahan keçirilib.

DİM-dən "tehsilmedia.info"a verilən məlumata görə, yazılı imtahanda test mərhələsindən 60 və daha artıq bal toplamış 154 namizəd iştirak edib.

İmtahan kompüter vasitəsilə təlimata uyğun olaraq 4 saat müddətində aparılıb və namizədlərə biliklərini nümayiş etdirmələri üçün zəruri şərait yaradılıb.

Namizədlər hüquqi kazusları həll etmək bacarıqlarını nümayiş etdiriblər.

İmtahan 4 saat davam edib. Nəticələr yazı işləri yoxlanıldıqdan sonra Hakimlərin Seçki Komitəsi tərəfindən elan olunacaqdır.