Direktorlar və müavinlər sertifikasiya imtahanı verəcək? - Rəsmi CAVAB

“Ötən həftələrdə sertifikasiya imtahanlarına yaşı yalnız 60-a qədər ibtidai sinif və Azərbaycan dili və ədəbiyyat müəllimləri cəlb edilib”.


tehsilmedia.info xəbər verir ki, Elm və Təhsil Nazirliyinin İnsan resursları şöbəsinin müdiri Eşqi Bağırov belə deyib.

Onun sözlərinə görə, növbəti aylarda da sertifikasiya imtahanları nəzərdə tutulub:

“Bu, ötən il sertifikasiyada iştirak edib uğur qazana bilməyən, eyni zamanda 60 yaşı tamam olmuş və qeyd edilən ixtisaslar üzrə çalışan müəllimlərlə bağlı olacaq. Yaşı 60 və daha yuxarı olan müəllimlərlə bağlı hansı qərar veriləcəksə, ona uyğun da təşkil ediləcək. Bununla bağlı dəyişikliklər artıq qüvvəyə minəndən sonra qərar veriləcək”.

Şöbə müdiri həmçinin deyib ki, məktəb direktorları və direktor müavinlərinin sertifikasiyada iştirakı hazırda nəzərdə tutulmur:

“Hazırda məqsəd 140 minə yaxın müəllimin sertifikasdiyadan keçməsidir. Yalnız ondan sonra bu məsələni də düşünmək olar”.