Azİİ e-Kitab Evinin oxucularına “Ebsco Host” məlumat bazasına 2024-cü il üçün abunəlik təmin olunub
Azərbaycan Dövlət Neft və Sənaye Universiteti (ADNSU) “Ebsco Host” nəşriyyatının elektron məlumat bazası üzrə abunəliyi həyata keçirir.
Bu barədə "tehsilmedia.info" a ADNSU-dan bildirilib.
Məlumat axtarış bazasına 2024-ci il üçün abunəlik təmin olunub və hazırda bazanın elektron resurslarına giriş imkanları mövcuddur.
Məlumat-axtarış bazasından və onların resurslarından Azİİ e-Kitab Evinin qeydiyyatdan keçən bütün oxucu-istifadəçiləri və ADNSU-nun professor-müəllim heyəti istifadə etmək hüququna malikdir.
“Ebsco Host” elektron platformasının resurslarına Azİİ e-Kitab Evi Azərbaycan Kitabxana İnformasiya Konsorsiumu xətti ilə qoşulub və elektron informasiya təminatçısı kimi fəaliyyət göstərir. Abunə müddətində 8516 resenziyalı olmaqla 11 min jurnalın, o cümlədən ictimai, humanitar, kompüter elmləri, mühəndislik (neft, qaz, geologiya və s.), fizika, kimya, riyaziyyat, nəqliyyat və s. kimi sahələr üzrə jurnalların yerləşdiyi verilənlər bazası, 2700-dən artıq kitab və broşür, 510 adda qəzet mənbələri, onların rəqəmsal arxivləri elektron formada ADNSU-nun oxucuları üçün açıqdır.
Ali məktəb kitabxanaları üçün onlayn istinad sistemi olan “Ebsco Host” akademik informasiya bazasına http://search.ebscohost.com linki vasitəsilə daxil olmaq mümkündür.
Elektron məlumat bazaları ilə ətraflı məlumat almaq istəyənlər Azİİ e-Kitab Evinə, eləcədə library@asoiu.edu.az elektron ünvanına müraciət edib onları maraqlandıran suallara
