Lənkəran Tarix-Diyarşünaslıq Muzeyində “Laçın şəhəri günü”nə həsr olunmuş tədbir keçirilib
Avqustun 25-də Lənkəran Tarix-Diyarşünaslıq Muzeyində “26 avqust - Laçın şəhəri günü”nə həsr olunmuş tədbir keçirilib.
tehsilmedia.info xəbər verir ki, tədbirdə Lənkəran Veteranlar klubunun, mərkəzi kitabxananın, Həzi Aslanov adına ev Muzeyinin əməkdaşları iştirak edib.
Əvvəlcə Ümummilli Lider Heydər Əliyevin və Azərbaycan Respublikasının ərazi bütövlüyü uğrunda canını qurban verən şəhidlərin əziz xatirəsi bir dəqiqəlik sükutla yad olunub.
Çıxışlarda Laçın şəhərinin tarixindən, 44 günlük Vətən müharibəsində Ordumuzun göstərdiyi şücaətdən və işağldan azad olunmuş torpaqlarımızda aparılan bərpa-quruculuq işlərindən bəhs edilib.
