Gürcüstanda torpaq sürüşməsi nəticəsində itkin düşən uşaqların sayı açıqlanıb

Gürcüstanın Oni bələdiyyəsindəki Şovi kurort zonasının yaxınlığında baş vermiş torpaq uçqunu nəticəsində itkin düşənlər arasında uşaqlar da var.

TƏHSİL MEDİA xəbər verir ki, bu barədə ölkənin səhiyyə naziri Zurab Azaraşvili bildirib.

O, hazırda ərazidə 7-8 uşağın axtarıldığını qeyd edib.

Nazir əlavə edib ki, ərazidə qopmuş bədən də üzvləri aşkarlanıb və onların kimə məxsus olduğunu müəyyənləşdirmək məqsədilə DNT analizi aparılır.

Yerli KİV-in məlumatına görə itkin düşənlər arasında bir Rusiya vətəndaşı da var.

Həlak olanlarında bəzilərinin şəxsiyyətinin müəyyənləşdirildiyi bildirilir.

Qeyd edək ki, yerli KİV-də yayılan məlumatlara görə, sürüşmə nəticəsində itkin düşənlər arasında etnik azərbaycanlı 18 yaşlı Samirə İsayeva da var. Ailəsinin məlumatına görə, sürüşmə ərazisində olan gənclə avqustun 2-dən sonra əlaqə saxlamaq mümkün olmayıb.