Azərbaycanda bir əsrə yaxın yaşı olan BAĞÇA yararsız vəziyyətdədir... - VİDEO

Lənkəran şəhərində yerləşən 16 saylı bağça qapı və pəncərələri qırıq, döşəməsi isə çökmüş, uşaqların yatması üçün nəzərdə tutulmuş yorğan döşəklər isə yararsız vəziyyətdədir.

Lənkəran şəhərinin Liman şəhərində yerləşən 16 saylı bağça 1937-ci ildə istifadəyə verilib. Müəyyən vaxtlarda pedoqoji kollektiv və müəllimlərin vəsaiti hesabına bağçada xırda təmir işləri görülsə də, bu kifayət etmir. Ən təhlükəli vəziyyət binanın damındadır. Həyətdəki atraksionlardan isə danışmağa dəyməz.

Bağçanın kollektivi bildirir ki, xırda təmir işləri aparılıb. Mavi yanacaq olmadığından bağça qış aylarında odun sobası ilə qızdırılır. Bu isə bütün binanın qızdırılması üçün yetərli deyil. Valideylər uşaqların sağlamlığı baxımından övladlarını bu bağçaya göndərməyə qorxurlar. Yağış yağan zaman dam örtüyündən yağış suyu içəri axır.

Məsələyə Lənkəran - Astara Regional təhsil idarəsindən münasibət bildirilib. Binada əsaslı təmir heç aparılmayıb. Müvafiq qurumlar tərəfindən bağça binasına baxış keçirilib və yeni binanın tikintisi nəzərdə tutulub. İndi valideynlər tezliklə yeni binanın tikilib istifadəyə veriləcəyi günü səbirsizliklə gözləyir.



TƏHSİL MEDİA