Respublika Fənn Olimpiadalarının yarımfinal turunda iştirak edəcək şagirdlərin məktəb direktorları ilə görüş keçirilib

Dağlıq Şirvan Regional Təhsil İdarəsi üzrə Respublika Fənn Olimpiadalarının yarımfinal turunda iştirak edəcək şagirdlərin məktəb direktorları ilə Regional İdarənin müdir müavini Rahim Novruzovun və idarənin Tədrisin Keyfiyyəti Sektorunun müdiri Cəmil Muradovun iştirakı ilə onlayn görüş keçirilmişdir.

Görüş zamanı müdir müavini Rahim Novruzov tərəfindən yarımfinal turunda iştirak hüququ qazanmış şagirdlər üçün əlavə məşğələlərin təşkili, onların fənlər üzrə müvafiq tədris proqramları əsasında hazırlaşmalarına dəstək göstərilməsi istiqamətində məktəb direktorlarına müvafiq tapşırıqlar verilmişdir.

Eyni zamanda Cəmil Muradov tərəfindən Respublika Fənn Olimpiadası üzrə ötən və cari tədris illərinə dair müqayisəli təhlillər məktəb direktorlarına təqdim olunmuşdur.

Şagirdlərimizə yarımfinal turunda uğurlar arzulayırıq.