Xaricdə təhsil alan 171 nəfərə akademik şəhadətnamə verilib

Xaricdə natamam ali təhsil alan şəxslərə Azərbaycanın ali təhsil müəssisələrinə köçürülmək üçün müraciət etmək hüququ verən qismən akademik şəhadətnamə əldə etmək üçün 5 iyun – 9 iyul tarixlərində 192 nəfər şəxsin müraciəti qeydə alınıb.

Bildirilib ki, müraciətlərin 171-i barədə müsbət qərar verilib, onlara AKTTS sayının qeyd olunduğu müvafiq şəhadətnamələr təqdim edilib. 6 nəfərin müraciəti ilə bağlı mənfi qərar verilib, 15 nəfərin sənədləri isə sənəd çatışmazlığına görə geri qaytarılıb.

Mənfi qərar verilən müraciətlərə nümunə olaraq 2 fakt üzrə dövlət nümunəli olmayan transkript (saxta transkript), 2 fakt üzrə tədris yükünü mənimsəmək üçün təhsil alınan ölkənin ərazisində tələb olunan normativdən az olması, 1 fakt üzrə dövlət nümunəli olmayan transkript (saxta transkript) və saxta apostil, 1 fakt üzrə isə dövlət nümunəli olmayan transkript (saxta transkript) və tədris yükünü mənimsəmək üçün təhsil alınan ölkənin ərazisində tələb olunan normativdən az olması təsbit edilib.