Əcnəbi tələbələrin sayı kəskin azalıb
Rusiyanın təcavüzü nəticəsində Ukraynanın ali təhsil müəssisələri 20 minə yaxın xarici tələbəni itirib.
tehsilmedia.info saytı Ukrayna KİV-nə istinadən xəbər verir ki, bu barədə Dövlət Beynəlxalq Təhsil Mərkəzinin direktoru Yelena Şapovalova bildirib.
Onun sözlərinə görə, Ukraynada genişmiqyaslı müharibə başlayanda 84 mindən çox əcnəbi tələbə təhsil alırdı.
"Hər il Ukraynaya 15-20 min əcnəbi tələbə gəlirdi", - deyə Yelena Şapovalova bildirib.
Təhsil üzrə Vahid Dövlət Elektron Məlumat Bazasının məlumatına əsasən, 2023-cü ilin əvvəlinə 51676 əcnəbi tələbə Ukrayna universitetlərində təhsil alıb.
"Bu, genişmiqyaslı müharibədən başlamazdan əvvəlki illərlə müqayisədə demək olar ki, 30 min azdır: 11172 əcnəbi tələbə keçən il məzun olub, qalanları isə təhsillərini davam etdirmək üçün digər ölkələrin universitetlərinə köçürülüblər", - Şapovalova bildirib.
