BSU-nun rektoru Ural Federal Universitetinin rektorunu qəbul etdi - FOTO

Bakı Slavyan Universitetinin (BSU) rektoru Anar Nağıyev "Heydər Əliyev İli” çərçivəsində 4-5 may 2023-cü il tarixlərində Ulu öndər Heydər Əliyevin anadan olmasının 100 illiyinə həsr olunmuş "Azərbaycanşünaslığın aktual məsələləri (tədqiqat, elmi diskurs və beynəlmiləlləşmə) adlı beynəlxalq elmi konfrans iştirak etmək üçün Azərbaycana gələn Ural Federal Universitetinin rektoru, Kokşarov Viktor Anatolyeviç ilə görüşüb.

Bu barədə "tehsilmedia.info"a BSU-dan bildirilib.

Görüşdə rektor Anar Nağıyev BSU haqqında ətralı məlumat verib, konfrans barədə danışıb.

Kokşarov Viktor Anatolyeviç təmsil etdiyi ali məktəbdən söz açıb, konfransda iştirakından məmnunluğunu bildirib.

Görüşdə iki universitet arasında beynəlxalq əlaqələrin inkişafı və tələbə mübadiləsi haqqında müzakirələr aparılıb.